Kuva kera ubuki bwagiye bukoreshwa mu kuvura indwara z’uruhu ndetse n’ibindi bibazo byo bishobora gufata uruhu rwa muntu birimo kumagara , gusadagurika , kuvuvuka nibindi …
Ubuki bwifitemo ubushobozi bwo kwica mikorobi n’utundi dukoko two mu bwoko bwa bagiteri na virusi dushobora gufata uruhu .
Nanone ibindi bibazo nko kumagara ku ruhu , ubuki bushobora kubivura no kubirinda uruhu , kubukoresha ntibyangiza uruhu ahubwo biraruvura .
Uburyo butandukanye ubuki bukoreshwamo mu kuvura indwara z’uruhu n’ibindi bibazo by’uruhu
Hari uburyo butandukanye ubuki bushobora gukoreshwamo mu kuvura uburwayi bw’uruhu aribwo
1. Gukora Face Mask (Honey Face Mask )
Ubu ni uburyo bwo gukora Mask yo mu maso ukoresheje ubuki n’umutobe w’indimu , iyi mask ifite ubushobozi bwo gukiza ibishishi byo mu maso , gukesha uruhu rwo mu maso no gutuma rworoha
Uko bikorwa
- Ufata utuyiko 2 tw’ubuki
- ukatuvanga n’umutobe w’indimu
- Ugasiga iyi mvange mu maso
- Birekere mu maso mu gihe kingana n’iminota 15 kugeza ku minota 20
- Hanyuma bikarabe
2.Gukoresha Ubuki na Oitmeal
Oitmeal n’ubuki bikoreshwa mu gukesha uruhu , gukuraho uturemangingo twapfuye n’imyanda , koroshya uruhu no kuruvura.
Uko bikorwa
- Hano ufata 1/4 cy’agakombe kuzuye Oitmeal
- Ukakivanga n’akayiko kamwe ku buki
- hanyuma ukabivanga neza bigakora umutsima
- Ugasiga iyo mvange ku ruhu witonze
- Byamaraho akanya ugakaraba amazi ashyushye
3. Gukoresha ubuki n’igikakarubamba
Iyi mvange ikoreshwa mu gutuma uruhu rworoha , mu kwivura ibibazo byo kumagana ku ruhu , mu kwivura agakomere ko ku ruhu , kwivura uduheri two mu maso no mu kwivura ibibazo bya inflammation.
Uko bikorwa
- Vanga umushongi w’igikakarumba cg amavuta yacyo uyavange n’ubuki ariko ku ngano ingana
- Siga iyo mvange mu maso witonze
- Bireke bimareho akanya bise nibyumiyeho
- Karaba mu maso
4.Kwivura utudomo tw’umukara ukoresheje ubuki
Hano ufata ubuki , ukabusiga hahandi hari utudomo tw’umukara cyangwa inkovu , ukabirekeraho ijoro ryose naone ibi wabikoresha mu kwivura udukomere twatewe n’uduheri kugira ngo wirinde ko twazasiga inkovu
