Urukiko rw’intara rwa Bubanza (uburengerazuba bw’u Burundi) rwakatiye Bienvenue Irakoze igifungo cy’imyaka 10 no kwishyura indishyi zingana na miliyoni 2 z’amafaranga y’Amarundi kubera gufata ku ngufu umukobwa w’imyaka 12.
Uwafashe ku ngufu abarizwa mu rubyiruko rw’ishyaka CNDD-FDD kandi iyemereye icyaha.
Amakuru aturuka mu bakurikiye uru rubanza avuga ko gufata ku ngufu byakozwe ku itariki ya 27 Werurwe n’Imbonerakure yakoraga mu rugo mu mudugudu wa Rugunga muri Komini ya Bubanza nkuko iyi nkuru dukesha SOS Media Burundi ivuga.
Bati: “Ababyeyi ntibari bahari, bari ku kazi, igihe umukobwa w’imyaka 12 yari wenyine mu rugo hamwe n’umukozi. Ni igihe cy’ibizamini ubu. Bamusize mu rugo maze umukozi wabo Bienvenue Irakoze amufata ku ngufu ”.
Imbere y’urukiko, Irakoze yemeye icyaha asaba imbabazi.
Ku itariki ya 29 Werurwe, yabyemeye mu ruhame ati: “Narambitse uyu mukobwa ku musambi, mufata ku ngufu.”
Uwahohotewe, nubwo yababaye, ntiyatinyutse kuvuga uwamuhohoteye kuko yari yamuteye ubwoba.
Abaforomo ni bo babonye ukuri igihe yajyanwaga ku kigo nderabuzima cyaho n’ababyeyi be nyuma yo kubamenyesha ko yumva afite ububabare.
“Ndetse yateye ubwoba uwahohotewe, nubwo yababajwe, yirinze guhishurira ababyeyi be uburwayi bwe igihe yari ababaye. Yamenyesheje gusa uburwayi bwe ibitaro aho yagiye kwivuriza ”, nk’uko umwe mu bagize umuryango we yabivuze.
Uyu nyuma yo kwemera icyaha yakatiwe imyaka 10 y’igifungo n’ihazabu ya miriyoni ebyiri z’Amarundi.
Izindi wasoma:
Umuhanzikazi uririmba indirimo zo kuramya no guhimbaza Imana yarasiwe mu rusengero n’umugabo we
Umugore yakase umugabo we igitsina nyuma yo kumenya ko amuca inyuma
Umukobwa yatwitse inzu y’umukunzi we nyuma yo gutahura ko icyo agamije ari ukumusambanya gusa
Polisi irimo guhiga bukware umusore washyize viagra mu mazi y’urusengero
Abagore: Imitoma 10 watera umugabo wawe bigatuma agukundwakaza
