Umunyarwandakazi Uwase Jacky wamenyekanye cyane ku mbuga nkoranyambaga zidandukanye nka Jacky, yongeye kurikoroza nyuma y’igihe kinini bivugwa ko yabaye umurokore (yitonze) nk’uko yabivugaga, aho yatangaje ko akunda kwambara ubusa ndetse ngo n’umugabo uzaza kumushaka abimenye ko ari ibintu akunda kandi ko atabimukuraho.
Uyu mukobwa ukunda gutigisa imyidagaduro ya hano mu Rwanda, yabitangarije mu kiganiro kirambuye yagiranye na Yago ku muyoboro wa YouTube.
Yumvikanisha uburyo akunda kwambara ubusa kandi ko ntawabimukuraho, yagize ati “Bro, Nkunda kwambara ubusa rero ndababwiye, nkunda ubusa bwanjye wee!”
Rero iyo ntari kubanompfesha biramababaza, n’umugabo uzanshaka abe abyumva nkunda kwambara ubusa.”
Jacky atangaje ibi nyuma y’uko mu bihe byashize yakunze gutukwa n’abantu benshi batandukanye ku bwo kwifotoza ndeste agakwirakwiza amafoto ye yambaye ubusa ku mbuga nkoranyambaga.
Icyakora abonye bimurambiye yafashe umwanya asaba imbabazi avuga ko iyi mico agiye kuyivaho ndetse yongeraho ko ashobora kuba yararozwe kwambara ubusa.
Kuri uwo munsi abinyujije ku rubuga rwe rwa X [yahoze ari Twitter], yagize ati “Guys, nsabye imbabazi n’umutima umenetse. Ndabinginze mumbabarire kandi n’abantu bashaka kungira inama, ndi ready kubumva.
Abantu natutse nabo nabangamiye ndabinginze kandi nsabye imbabazi mbikuye ku mutima.”
